Саура мүйісі
Алғаш рет облыс әкімінің 1993 жылғы 7 мамырдағы №487 шешімімен мемлекеттік қорғауға алынған. Саура табиғи межесінің туристік тартымдылығын арттыру мақсатында 2014 жылы археолог А. Астафьевтің жетекшілік етуімен Саура бекінісіне археологиялық зерттеулер жүргізілді.
Маңғыстау облысы әкімдігінің 2018 жылғы 5 қаңтардағы №3 қаулысы бойынша Жергілікті маңызы бар тарих және мәдениет ескерткіштерінің мемлекеттік тізіміне енгізілген.
Қалың өскен жұпаргүлді жыңғылдар көмкерілген бұралаңдаған сүрлеу жол бойымен төңірегін әсем жартастар қоршаған, оның етегінен аққан бұлақтардан құралған айдын көлге келуге болады. Алуан түрлі өсімдіктермен көмкерілген айдын көл тек осы жерге тән батпақ тасбақаларының тұрақты мекеніне айналған. Суретке түсіретін, не бейнеге түсіретін камерасы бар туристерге айдын көл мен хош иісті өсімдіктердің саф ауасымен рахаттана тыныстап, тасбақалардың тіршілігін қызықтап қарауына мүмкіндігі бар. Туристер тау шатқалының бастауында өсіп тұрған биік ағаштың көлеңкесінде демалуына болады.
