Кладбище Хатам ишан 

1981 ж. ескерткішті С. Жүнісовтың жетекшілігімен «Маңғышлақреставрация» АҒЖӨШ экспедициясы зерттеді.

Маңғыстау облысы әкімдігінің 2018 жылғы 5 қаңтардағы №3 қаулысымен Жергілікті маңызы бар тарих және мәдениет ескерткіштерінің мемлекеттік тізіміне енгізілді.

Мұндағы ең ерте құрылыстар 17 ғ. екінші жартысына жатады. Қорым уақыт пен кеңістікте сақина бойынша дамыды, яғни ең көне құрылыстар үнемі орталық бөлікте қалып отырған. Сақталған екі күмбезді кесенеден қорымның оңтүстік бөлігіндегі құрылыс ерекше қызығушылық тудырады. Пропорциялардың үйлесімділігі мен ою-өрнектермен безендірудің байлығы оны 19 ғасырдағы халық шеберлерінің ең үздік туындыларының біріне жатқызуға мүмкіндік береді.

Ішінде михраб ерекше безендірілген ескі мешіт сақталған. Сәулеттің шағын нысандары бірнеше қойтас пен құлпытаспен ұсынылған. Олар пішіндердің қарапайымдылығымен және көз тартарлық ою-өрнектерімен ерекшеленеді.

Хатам (Сейіт) Қожа Ғабдолқожаұлы (1740 ж. Маңғыстау ауданы, - 1824 ж. Ақтау қ. округі) Маңғыстаудан шыққан поэзия классигі, ақын. Халық арасында «Хатам ишан» деп те аталады. Ол діни білімді адам болған, жалынды әндерімен халықты бірлік пен келісімге шақырған. Оның әйгілі шығармалары — «Шерқала», «Қызылөзен», «Айрақты». Оның көптеген қолжазбалары Түрікмен ғылым академиясының қорында сақталған.

Ол рулар арасындағы бірлік пен келісімді нығайтқаны үшін халық арасында құрметке ие болған. Ресейдің отаршылдық саясаты кезінде Хатам ишан әділеттілік жолында Астраханға көшті.