Т. Г. Шевченко мемориалдық кешені
Т. Г. Шевченко мемориалдық кешені
1979 ж. сәулетші М.Нұрқабаев жетекшілігімен «Қазпроектреставрация» институты экспедициясы зерттеу жұмыстарын жүргізіп, қалпына келтіру жобасын жасаған.
1981ж. «Маңғышлақреставрация» АҒЖӨШ-пен қалпына келтіру жұмыстары жүзеге асырылып, жертөленің үстіне павильон орнатылған.
Қазақстан Республикасы Мәдениет және спорт министрінің 2015 ж. 30 наурыздағы №119 бұйрығымен Республикалық маңызы бар тарих және мәдениет ескерткіштерінің мемлекеттік тізіміне енгізілген.
Тарас Григорьевич Шевченко – украин халқының көрнекті ақыны, дарынды суретші, драматург, этнограф, қоғам қайраткері және саясаткер. 1847 жылы Кирилл-Мефодий қоғамына қатысқаны үшін тұтқындалған, 10 жылға айдалып, Қазақстанға жер аударып жіберіледі. 1850 жылы көктемде құпия өсектер бойынша «Жазбау және сурет салмау керек» деген патша жарлығын бұзғаны үшін Шевченко қайта тұтқындалып, нәтижесінде қатаң бақылаумен Ново-Петровскіге айдалды (1850-1857). Ново-Петровскіде Шевченкоға жазуға, сурет салуға қатаң тиым салынып қана қоймай, қарындаш, сия, қауырсын мен қағаз ұстауға да рұқсат берілмеген.
