Тобықты жеріндегі Бекет ата жерасты мешіті 

2004 жылы К. Канисова жетекшілік етуімен «Маңғыстау мемлекеттік тарихи-мәдени қорығы» ММ экспедициясы зерттеген.

Алғаш рет Маңғыстау облыс әкімдігінің 2004 жылғы 5 қазандағы №197 қаулысымен мемлекеттік есепке алынған.

Маңғыстау облысы әкімдігінің 2010 жылғы 28 шілдедегі № 279 қаулысына сәйкес Жергілікті маңызы бар тарих және мәдениет ескерткіштерінің мемлекеттік тізіміне енгізілген.

Мешітке 2006 ж. қалпына келтіру жұмыстарын жүргізілген («Парыз» ЖШС). Сондай-ақ 2015 ж. «Маңғыстауреставрация» АҒЖӨШ ЖШС мекемесі қалпына келтіру жұмыстарын жүргізді.

Мешіт биіктігі 10 метрдей ақбор төбенің шығыс беткейінен ойып салынған. Мешіт екі бөлмеден тұрады. Жұмсақ жыныста кесілген және бір-бірімен байланысатын 2 шағын бөлме. Мешіттің алғашқы қалпы жақсы сақталған.Оның бөлмелері бір-біріне жапсарластыра салынған, төбесінде жарық түсіп, ауа кіріп тұруы үшін тесік қалдырылған.

Пір атағына ие болған діни және тарихи тұлға, философ, ағартушы Бекет Мырзағұлұлының өмірімен байланысты тарихи ескерткіш ретінде мемлекеттік қорғауға алынған.

1-ші бөлменің ауданы шамамен 10 ш.м. 2-ші бөлме сопақша болып келген, көлемі 5х3 м. Қазіргі таңда жақсы қалпында сақталған. Жарық саңылауы диаметрі 1,5 м. Бұл саңылау арқылы 3 ағаш сырық орнатылған.

Мамандардың зерттеулеріне сәйкес ағартушы Бекет Мырзағұлұлының сұпылық жолдағы бала оқытқан мешіттерінің бірі деп танылған