Иса Тіленбайұлы кесенесі
Ескерткіш 1993 жылы жергілікті дәрежеде мемлекеттік есепке алынды.
Қорымнан зерттеу жұмыстары нәтижесінде 11 ескерткіш есепке алынды. Ол 1 кесене мен 10 сағанатам. Кесененің күмбезі дулыға тәрізді, іші-сырты өңделген әктас-құмтас тақталарымен қапталған. Алдыңғы бөлігінде тікбұрышты ойық шығарылып, батырдың қару-жарағы, қыран мен күннің бейнелері, сондай-ақ ою-өрнектер бейнеленген. Кесененің жоғарғы бөлігінде «Иса» деген жазу жазылған.
Иса Тіленбайұлы 1869-1872 жылдары Маңғыстау қазақтарының патша отарлаушыларына қарсы көтерілісінің жетекшілерінің бірі. Бұл көтеріліс Қазақстан тарихындағы ірі көтерілістердің бірі болып саналады.
Иса Тіленбайұлы (1829-1909) – халқына даңқы жайылған айтулы батыр, би, ұзақ жылдар ел билеген жан-жақты өнерпаз тұлға. Ол Адайдың оныншы ұрпағы. Исаның әкесі Өтебай ел ауызында «Жаманғара» атанып, оның ұрпақтары тұрған жер «Жаманғара» ауылы болып аталады. Ақынның өмір сүрген кезеңі – аласапыран уақыт. Патша үкіметінің жарлығымен Маңғыстауда «Уақытша ережені» жүзеге асыру үшін отрядтар жіберілді. Олар салықты көбейтіп, мал мен елді жойды. Осындай сәтте қарапайым халық өкілдері Иса Тіленбайұлы мен Досан Тәжиев елді жинап, табандылық пен төзімділік, қайсарлық пен батырлықтың үлгісін көрсетіп, көтеріліске қарсы шықты. Досан – қолбасшы, ерліктің үлгісі, Иса батыл жауынгер, әділ би, ақын және мерген атқыш болған.
