Некрополь Кенты-Баба 

Ескерткіш 1979 ж. Қазақ КСР Мәдениет министрлігінің экспедициясымен зерттелді. Қорымға 1983, 2005, 2013, 2014 жылдары ғылыми-қалпына келтіру жұмыстары жүргізілді.

Маңғыстау облысы әкімдігінің 2018 жылғы 5 қаңтардағы №3 қаулысымен Жергілікті маңызы бар тарих және мәдениет ескерткіштерінің мемлекеттік тізіміне енгізілген.

Ескерткіш — кіру саңылауы арқылы өтетін бойлық оське симметриялы шаршы пішінді, күмбезді бір камералы құрылыс. Басты қасбеті оңтүстік-батысқа қаратылған. Қалау барысында әр түрлі типтегі және өңдеу дәрежесіндегі тастар қолданылған. Негізгі қалау кедір-бұдырлы тастан жасалған тақталардан істелінген. Қасбеттердің беті қашалған және ажарланған тақталармен қапталған. Негізгі қасбет шағын порталмен ерекшеленген болуы мүмкін, оның беті көлемді, контурлы және барельефті тас оюларының белдіктерімен безендірілген. Құрылыстың қабырғалары жоғарыға қарай сәл тарылып, оның биіктігі мен әсемдігін әдеттегіден әсерлі қылып көрсетеді. Кесене тас қаландысы мен сәндік ерекшеліктері Кенті баба кесенесін салушы шеберлер ортағасырлық Хорезмдік сәулет құрлысында қолданылған құрылыс технологиялары мен сәулеттік әдіс-тәсілдерден хабардар болғаны туралы да айтуға мүмкіндік береді.

Кесенеге қарама-қарсы ашық аспан астында мешіт орналасқан.

Аңыз бойынша Кенті баба өз заманында (14 в.) халықты мұсылманшылыққа үйреткен, діндар, тақуа, әулие адам болған. Кенті баба қорымын жергілікті халық киелі нысан санап, қадір тұтып, қастерлейді.