Махтум баба мешіті 

Қаңға баба қорымынан оңтүстік-батысқа қарай 200 м қашықтықта XIV-XV ғғ. жататын Махтум баба жер үсті мешіті орналасқан.

Махтум баба мешіті қазіргі таңда Маңғыстау облысы әкімдігінің 2018 жылғы 5 қаңтардағы №3 қаулысы бойынша Жергілікті маңызы бар тарих және мәдениет ескерткіштерінің мемлекеттік тізіміне енгізілген Қаңға баба қорымында орналасқан.

Мешіт жайлы қыпшақ-оғыз заманының керуен сарайының ғимараты кейінгі ғасырларда мектеп-медресе ретінде пайдаланып тұрғандығы туралы әңгімелер бар.

Мешіт – бір-бірімен аркалы өткелдермен байланысқан бірнеше үлкен және кіші бөлмелерден тұратын көп камералы құрылыс. Мешіттің қабырғалары сазды ерітіндіні қолданып жартылай өңделген тастардан, көлбеу «қиғаш» қалау әдісімен (жер сілкінісіне төзімді) салынған. Қираған жерлерге қарағанда, бастапқыда көп камералы құрылыста күмбезді төбелер болған деп болжауға болады.

Хұсайын имамның ұрпақтарынан шыққан әулие Махтум баба Маңғышлақ жеріне курекал түрікмендері өмір сүретін бұрынғы Парсы елі жерінен келді, көп ұзамай оған мүриттер келе бастады және олардың саны айтарлықтай көп болды; бұл кезде Қанға аймағында бірде-бір ағаш болмады. Бір күні мүриттер Махтум бабаға келіп, бау-бақшаға серуендеуге рұқсат сұрады. Оған жауап ретінде Махтум баба былай деді: «Бүгін ешқайда бармаңыздар; егер ертең жақын маңнан бақша таба алмасаңыз, онда сіздерді жіберуге рұқсатымды беремін». Мүриттер оған мойынсұнып қалады, келесі күні таңертең олар жақын маңдағы таудың барлығы көздің жауын алатын көптеген ағаштармен жабылғанын көреді. Бұл ғажайып көрініске таң қалған олар, Махтум бабаға келіп, оның аяғына жығылып, күнәләрі үшін өкініштерін білдіреді. Бұдан кейін Махтум бабаның мюридтерінің саны көбейіп, бірнеше мыңға жетті. Махтум баба қайтыс болғаннан кейін ешкім күтпеген бақшалар жойылып кетті; осы заманға дейін тек бірнеше тұт ағаштары ғана сақталып қалған.