Некрополь Караман-ата
Ескерткіш алғаш рет 1951-1952 жж. М. Меңдіқұлов басқарған экспедициямен зерттелген. М. Меңдіқұлов Қараман ата мешітінің салыну кезеңін XII ғ-ға жатқызады.
Қорымды 1977 жылы А.О Итенов, 1979 жылы М.С.Нұрқабаев жетекшілігімен ҚР Мәдениет министрлігінің экспедициясы зерттеген.
Ескерткіш алғаш рет Қазақ ССР Министрлер кеңесінің 1982 жылғы 26 каңтардағы №38 қаулысы бойынша республикалық дәрежеде мемлекет қамқорлығына алынған.
Қазақстан Республикасы Мәдениет және спорт министрінің 2015 ж. 30 наурыздағы №119 бұйрығымен Республикалық маңызы бар тарих және мәдениет ескерткіштерінің мемлекеттік тізіміне енгізілген.
Маңғыстау облысы әкімдігінің 2010 жылғы 8 желтоқсандағы №414 қаулысымен ескерткіштің қорғау аймақтарының шекаралары бекітілген.
Қорымдағы объектілер бойынша 2002, 2013-2014 жж. «Қазреставрация» РМК жобалау-сметалық құжаттамаларын дайындап, 2014-2015 жж.«Маңғыстауреставрация» АҒЖӨШ ғылыми-реставрациялау жұмыстарын өткізген.
Қорым орта ғасырларға жататын түрікмен стелаларынан, тас құлпытастардан, Адай руынан шыққан шеберлер (шеберлер Өмір Қараұлы мен Назар Өмірұлы) салған көптеген сағанатамдар мен кесенелерден (XIX ғ. II жартысы – ХХ ғ. басы) тұрады.
Аңыз бойынша Қараман ата қабірінде тазартылу антын беру әдетке айналған. Қараман ата Маңғыстау қазақтарының тарихына «Қараман атадағы анттасу» орны ретінде енді. Бұл жерде берілген ант қасиетті және бұзылмас болып саналды.
