Некрополь Султан-эпе 

Қорым 1982 жылы жергілікті дәрежеде мемлекеттік есепке алынған. Қажылық ағаш сырықтар қадалған дөңгелек пішінді тас қоршаудан жасалған әулие Сұлтан үпінің символдық қабірінен басталады.

Сұлтан үпі шатқалы мен құдығы ерекше назар аударуға тұрарлық. Сұлтан үпі шатқалы Түпқараған түбегінің солтүстік жағалауында Сарытас шығанағының жанында, теңізден 5 км қашықтықта орналасқан. Бұл жердің табиғаты өте әдемі. Сұлтан үпі шатқалы өңірдің басқа жерінде кездестіруге болмайтын флора мен фаунаның әртүрлі өкілдеріне толы. Көркем шатқал өте терең, оның түбімен бұлақ ағады. Шатқалдың беткейлері мен түбі қарабүлдіргеннің, қаражемістің, бабажапырақтың, тұт пен тікенді қараөріктің қалың бұталарына және әртүрлі шөптерге толы. Ерекше алқап бола отырып, шатқал көптеген түрлі жануарлар мен құстардың мекеніне айналды. Мұнда қарсақ-түлкі, қара кірпі, құстар қатарынан көптеген қызғылт қараторғайлар, жасыл және сарыалқым аражегіш, ақиықтар және т.б. ұя салады. 3 км қашықтықта теңіз жағалауының ғажайып панорамасын тамашалауға болады.

Керемет сапалы ауыз су құдығы жардан 6 м қашықтықта орналасқан. Жергілікті тұрғындардың айтуынша оның емдік қасиеттері бар. П. Ломакиннің 1870 жылғы жазбаларында Сұлтан үпінің бұлағы туралы айтылады, бірақ құдықтар туралы есеп жоқ. Бұдан құдық кейінірек — 19 ғасырдың аяғында — салынған деп болжауға болады.