Шам Пангереевке ескерткіш тақта
Шам Пангереев (1922-2003 ж.ж) Еңбек жане соғыс ардагері. КСРО қаржы саласының үздігі. Республикалық дәрежедегі дербес зейнеткер. 1942-1947 ж.ж. Екінші дүние жүзілік және Жапония милитаристеріне қарсы соғыстарға қатынасқан. 1943 жылы Сталинград қаласының 21- атқыштар дивизиясының құрамында фашистік Германияның 6-шы армиясының фельдмаршалы Паулюс пен 24 генералын, 330 мың неміс- фашист солдатын тұтқынға түсіргендердің қатарында болды. Сталинградтағы 35-ші танк бригадасының құрамында Смоленск, Витебск, Могилев, Молодечное, Минск қалалары мен Батыс Пруссия территориясын фашист басқыншыларынан тазартты. Орел-Курск доғасындағы ұрыста жараланған. Жазылған соң Балтық теңізі жағалауында қайтадан майданға араласып, Ленинград қоршауын бұзуға қатынасқан. Танк батальонының десанты Ш.Пангереев көрсеткен ерлігі үшін «Ұлы Отан соғысының І дәрежелі», «Қызыл Жұлдыз» ордендерімен марапатталған. Сондай-ақ «Германияны жеңгені үшін», «Жапонияны жеңгені үшін», «Кеңес Одағының маршалы Г.К.Жуков», «Фронтовик», «Еңбек ардагері». Лениннің 100 жылдығына орай «Ерекше еңбегі үшін», басқа да ондаған медальдардың иегері атанған. 1947 жылы соғыстан елге оралған соң бейбіт еңбекке араласып, облыстық партия комитетінің шешімімен Ойыл, Ырғыз аудандарында қаржы бөлімінің меңгерушісі, 1968 жылдан бастап зейнетке шыққанға дейін КСРО мемлекеттік банкісінің Ойыл аудандық бөлімінің бастығы қызметін атқарды. Ойылда жаңа типтік жобадағы банк үйінің гимаратын салғызу, жоғары кернеулі электр желісін тарту, су құбырын жүргізу және облыста басқа да халық шаруашылығын дамыту саласында белсенді еңбек етті.Анықтамалықта
Жақын маңайда
🍪
Біз cookies қолданамыз толығырақ