Іле Алатауының етегінде орналасқан құрылыстың динамикалық пішіндері қаланың ең әдемі жарасымдылықтарының бірін толықтырады. Композицияның орталығы күмбезбен көмкерілген салтанат залы болып табылады. Оған сарай бөлмелерінің барлық топтары жанасады. Салтанат залының көркі — салмағы 3,5 тонна, диаметрі 7 метрді құрайтын 288 шам орнатылған аспашам. Күмбездің сол жағында обсерваторияның 40 метрлік мұнарасы орналасқан. Ішкі кескіндеме монументалды өрнек «Дала» горельефімен безендірілген. Құрылыс кезінде Қордай мен Балқаш граниттері, Маңғыстаудың ұлутастары, ағаш, металл пайдаланылды. Ішкі кескіндемелерді шешудің негізгі уәждері — кескіндердің жұмсақтығы мен төбелердің жарықпен қанықтылығы. Ғимарат алдындағы кең аллеялар мен алаңдар ашық ауада жаппай іс-шаралар өткізу мүмкіндігін қарастырады. Ғимарат 2200 оқушыға есептелген. Мұнда 800 орындық көру залы, түрлі үйірмелерге арналған бөлмелер, спорт залдары, жүзу бассейні және т.б. бар.