Бестөбе су қоймасы Алматы облысы Райымбек ауданындағы Кеген өзенінде, теңіз деңгейінен 1770 метр биіктікте орналасқан. Су қоймасының батысы мен оңтүстігінде Күнгей Алатау тау жотасының солтүстік және шығыс сілемдері, шығысында Кетмен жотасының батыс сілемдері болып табылатын Құлықтау таулары орналасқан. Бестөбе су қоймасы Мойнақ ГЭС құрылыстарының құрамына кіреді. Биіктігі 94 метр тас үйінді бөгеттен түзілген. Су қоймасының ұзындығы 4,5 километр, су қоймасының ортаңғы бөлігінің ені 373 метр.
