Көкшетау мәдениет сарайы 1970 жылдан бастап жұмыс істейді. Бұл Ақмола облысының басты мәдени орталығы, онда қалалық және облыстық ауқымдағы барлық қоғамдық-саяси және мәдени-бұқаралық іс-шаралар өткізіледі. 2001 жылы қайта құру жүргізіліп, сарайдың жалпы ауданы 4822 м2 құрады. Сарайда 4 зал жабдықталған: көрермендер залы (600 отыратын орын), көрме залы, би және балет залдары. Жыл сайын мәдениет сарайында 100-ге жуық іс-шара өткізіледі. Сарайда 30 ұжым жұмыс істейді, бұл — 4 жастан 70 жасқа дейінгі әр түрлі жастағы 1000-нан астам адам. Көкшетау мәдениет сарайында "халықтық" атағы бар 10 ұжымның және 4 үлгілі ұжымның шығармашылығы ерекше орын алады. Сонымен қатар, сарай құрамында би ансамбльдері өз шеберліктерін шыңдаумен айналысады, эстрадалық және джаз музыкасының оркестрі жұмыс істейді. Сарайда мерекелік концерттер, конкурстар, фестивальдар, көркемөнерпаздар байқаулары, театрландырылған қойылымдар мен жастар акцияларын өткізу әдетке айналған.