Қазақстанның ең көне мұражайы-Семей қаласының облыстық тарихи-өлкетану мұражайы 1883 жылы саяси жер аударылғандардың бастамасымен құрылды. Мұражайды құрудың бастауында Е. П. Михаэлис тұрды. Мұражай қызметіне әр уақытта ұлы ақын Абай, философ, ойшыл Шәкәрім, әлемдік деңгейдегі жазушы Мұхтар Әуезов өз үлестерін қосты. 1978 жылдан қазіргі уақытқа дейін мұражай бұрынғы генерал-губернатор үйінің ғимаратында орналасқан.