Бұл саябақ ескі Өскеменнің қақ ортасында, революцияға дейінгі уақытта болған көшелердің қиылысында орналасқан. С. М. Кировтың бастамасымен қала орталығындағы базар алаңының орнында демалыс саябағы салынды. Өткен ғасырдың басында ағаштардың отырғызылуы мен саябақтың құрылуына бақылауды жүзеге асыру үшін, сол жылдары бақша, бау-бақша және ара шаруашылығы бойынша белгілі нұсқаушы Д.Г. Панкратьев шақырылды, 1935 жылдың күзінде 4806 ағаш пен бұта отырғызылған. Содан бері С. М. Киров атындағы саябақ өсіп, қала тұрғындарының сүйікті демалыс орнына айналды. 2001 жылдан бастап саябақ облыстық этнографиялық мұражайға берілді. Мұнда көне түркі балбалдарының экспозициясы – тас мүсіндер, Өскемен бекінісінің зеңбіректер жинағы, шағын сәулет нысандарының едәуір саны орнатылған. ШҚО фаунасына сәйкес бірегей бақ-саябақ кешендері болып табылатын өсімдіктердің үлгілері жиналды. Саябақ қала мен оның тұрғындары үшін тарихи маңызды орын болып табылады.